Забава

Инфлуенсерка го лажирала своето киднапирање поради здодевност

Published

2 days ago

January 4, 2025

Инфлуенсерите денес се соочуваат со сериозни последици поради драстични и контроверзни потези кои ги преземаат за да го зголемат своето присуство на интернет. Еден од најновите и најконтроверзни настани се случи кога инфлуенсерката Викторија Роуз, позната по својот кориснички прекар “Whoa Vicky”, признала дека лажела за своето наводно киднапирање во Нигерија.

Инцидентот започна кога се појавија твитови во кои се тврди дека Роуз била киднапирана и дека нејзиното ослободување ќе биде возможно само ако се плати откуп од еден милион долари. “Ја киднапирав Вики. Таа е со мене во Нигерија. Барам 1 милион долари за нејзино ослободување”, гласеше еден од твитовите.

Меѓутоа, многу брзо потоа Викторија призна дека целата ситуација била измислена. За време на преносот во живо на Инстаграм, таа открила дека сака само да се забавува и да се шегува, додавајќи дека не пие алкохол и не оди во клубови, па ова беше нејзиниот начин да се забавува. “Библијата вели дека смеењето е добро за душата”, додала таа, оправдувајќи ја својата постапка со верска референца и објаснувајќи дека има ограничени можности за излегување поради нејзините христијански вредности.

Нејзиниот потег наиде на жестоки критики од јавноста, а многу корисници ја обвинија дека со оваа лага сериозно ја нарушила довербата во такви случаи. “Да лажеш дека те киднапираат е навистина одвратно!”, напишал еден од коментаторите. Викторија, сепак, останала на својот став, кажувајќи дека се сожалува за луѓето што можеби биле повредени од нејзината шега, но истовремено ја презела целосната одговорност за своето однесување.

Не е првпат да се случи ваков случај, бидејќи и во 2023 година 26-годишната медицинска сестра Карли Расел ја лажела својата киднапираност. Таа ја пријавила својата исчезнатост и, иако полицијата веднаш започнала потрага, многу брзо се открило дека се работи за измама. Расел подоцна признала дека воопшто не била киднапирана, туку дека целата ситуација била измислена.

Овие инциденти се сериозен потсетник за границите кои инфлуенсерите поставуваат во обидот да стекнат внимание и популарност на интернет, што често може да има сериозни последици и за нив и за нивната публика.

Забава

Се укинуваат повеќе турски серии

Published

2 days ago

January 4, 2025

Арлингтон

Со години наназад ударниот термин на речиси сите национални телевизии е резервиран за турски серии.

Се очекува овој тренд да продолжи и во 2025-та, иако од Туркије пристигнуваат и не така добри вести.

Тамошните медиуми пишуваат за криза во тамошната ТВ-индустрија.

„Приходите од реклами се намалени за половина оваа година и многу серии во Турција по кратка постапка се финализирани“, пишува „Хаберлер“.

Повикувајќи се на добро упатени извори, истиот портал пишува дека продуцентите донеле конечна одлука годинава да се прекине емитувањето на дури 13 серии. Осум од нив само што почнаа да се емитуваат, а останатите пет ќе финишираат заклучно со нивната втора сезона.

Забава

„Биби и Боби“ ја разубавуваат Зимската приказна во Битола

Published

1 week ago

December 27, 2024

Арлингтон

Најомилените пријатели на најмладите, „Биби и Боби“, вечерва пристигнуваат во Битола! Во 19:00 часот, пред Офицерскиот дом, сите посетители ќе можат да уживаат во магијата на празничниот дух преку танци, игри и незаборавна атмосфера што ќе ги стопли срцата на сите, без разлика на возраста.

„Зимска приказна“ продолжува да создава моменти за паметење, збогатувајќи ја празничната радост со незаборавни настани.

Празничниот дух живее во Битола!

Забава

Прилепчанката Добрила Грашеска испеа македонски песни за грчкото Фолкрадио (ВИДЕО)

Published

2 weeks ago

December 25, 2024

Арлингтон

Македонската етно-пејачка, прилепчанката Добрила Грашеска, која настапува во популарниот состав Чалгија саунд систем и со Добрила и Дориан дуо, деновиве се појави во програмата на грчкото Фолк радио (Folkradio.gr) и отпеа две песни. Станува збор за традиционалната коледарска песна што ја пеат децата од Прилеп, „Коледица, Варварица“ и македонската народна љубовна песна „Кој ти ги даде тие црни очи“

Снимено дома, со телефон, ама искрено и со љубов. И драго ми е што нашите соседи покажаа интерес и со такво внимание ѝ пристапија на нашата музика.- напиша Грашеска на својот профил на Фејсбук.

Добрила Грашеска, прекрасна пејачка од Северна Македонија, позната по соработките со Чалгија Саунд Систем и како дел од дуото Добрила и Доријан, ги испраќа своите желби на folkradio.gr со песни од Прилепско-стои во објавата на официјалната фејсбук страница на радиото.

Во продолжение слушнете ја изведбата на нашата Добрила Грашеска

https://www.facebook.com/share/v/12H9RSDbKLf/?mibextid=wwXIfr

Инаку, Folkradio.gr е специјалиѕирано музичко радио за афирмација и истражување на грчката народна музика. Како што стои на интернет порталот на радиото, народната музика е една од најстарите форми на култура во светот и опстанала до денес благодарение на безвременската вредност заснована на висока естетика и креативен континуитет. Folkradio.gr се стреми да ја пренесе оваа естетика и специфичноста на грчката народна музика, која можеби е родена пред многу векови во рурални услови и преку човечки контакт со природата и нејзините елементи, но денес докажува дека е многу моќно средство за изразување дури и во модерното време, кога светот се пресели во градовите и комуникацијата не познава граници.

Извор: РадиоПела