Сестрата на Фросина Кулакова, Росица, вечерва се огласи на социјалните мрежи со апел до медиумите, институциите и целата јавноста.

Росица во објавата вели дека семејството на Фросина добило дојава дека адвокатот на Васил Јованов, Сашо Дукоски утре на прес-конференција планира да прикаже видео на кое, како што пишува таа, Васо вришти над телото на нејзината почината сестра.

-Познавајќи го неговото минато и адвокатски стил, јасна е целта на Дукоски: да го очовечи убиецот на сестра ми. Да покаже како вришти затоа што му е жал за Фросина, а тој всушност вришти затоа што знае што следи и што го чека него! Вришти затоа што знае што го чека со оглед на неговото криминално минато. Испраќам апел до сите медиуми видеото да не биде објавено, прво од почит кон починатата а потоа и кон семејството како и кон целата јавност што е веќе доволно згрозена од оваа трагедија. Па не ли беше доволно хорор…, пишува Росица во апелот.

Градоначалникот на Општина Кисела Вода и претседател на ЗЕЛС, Орце Ѓорѓиевски, оствари средба со шефот на политичкиот и економскиот оддел во Амбасадата на САД во Македонија, Дејвид Маерс, и политичкиот асистент, Митко Бурчевски. На средбата беше потенцирано значењето на соработката со САД во насока на развојот на општините, привлекување инвестиции и реализација на проекти од заеднички интерес.

Ѓорѓиевски ја истакна Општина Кисела Вода како пример за модерна и ефикасна локална самоуправа, која преку дигитализација, транспарентност и иновативни политики работи во интерес на граѓаните. Како претседател на ЗЕЛС, тој нагласи дека неговиот фокус останува на зајакнување на локалната самоуправа и создавање поволни услови за економски раст.

Во рамките на средбата, Ѓорѓиевски му ја честиташе победата на новоизбраниот претседател на САД, Доналд Трамп, со надеж за натамошно продлабочување на билатералните односи и партнерството меѓу двете земји.

Маж од тетовско е тешко повреден откако излетал од пат со четирицикл.

Како што соопштија од полицијата вчера во 13.15 часот во СВР Тетово било пријавено дека на регионалниот пат Тетово-с.Јажинце, кај село Џепчиште, тетовско, Р.Р.Р.(57) од село Шемшево, тетовско, управувајќи четирицикл „јамаха“ со струшки регистарски ознаки, изгубил контрола и излетал надвор од коловозот.

Во несреќата со тешки телесни повреди се здобил возачот, констатирани во Клиничката болница Тетово.

Извршен бил увид од увидна екипа од СВР Тетово.