Парламентот на Франција денеска донесе одлука да се суспендира непопуларната реформа на пензискиот систем од 2023 година, иницирана во вториот мандат на претседателот Емануел Макрон.
Законската одлука е усвоена со 255 гласови „за“ и 146 „против“, со поддршка од социјалистите, Зелените и ултрадесничарската партија Национален собир. Пратениците од коалициската партија на Макрон – Ренесанса – беа воздржани, додека против беа радикалната партија Непокорена Франција и комунистите.
Со новиот закон се суспендира постепеното зголемување на возраста за пензионирање на 64 години до јануари 2028 година, како и планираното зголемување на минималниот број месечни пензиски придонеси. На тој начин, генерацијата родена во 1964 година ќе може да се пензионира на 62 години и 9 месеци со најмалку 170 месечни придонеси, наместо 63 години и 171 придонес предвидено со претходната реформа.
