Претседателот на Украина, Володимир Зеленски, го назначи Кирил Буданов, раководителот на украинската воена разузнавачка служба, за нов шеф на својот кабинет.
„На Украина ѝ е потребен посилен фокус на безбедноста, јакнење на одбранбените сили и дипломатските напори. Канцеларијата на претседателот ќе биде главен инструмент за остварување на овие цели“, нагласи Зеленски.
Назначувањето следува по значителната кадровска промена кон крајот на ноември, кога беше разрешен долгогодишниот шеф на кабинетот, Андриј Јермак, кој беше еден од најблиските соработници на Зеленски. Одлуката дојде во време кога Украина се соочи со најголемиот корупциски скандал од почетокот на руската инвазија.
