Градоначалникот на Општина Чаир и еден од лидерите на ВЛЕН, Изет Меџити, истакна дека партијата е целосно посветена на локалните избори кои ќе се одржат на 11 јануари во Гостивар и Врапчиште.
„Нашиот ангажман за изборите е максимален. Секоја заедница заслужува развој и благосостојба за секој граѓанин. ВЛЕН веќе докажа дека промени се возможни, и продолжуваме со единствен глас за Гостивар и Врапчиште, со кандидатите Невзат Бејта и Зулхајрат Демир“, нагласи Меџити.
Според него, на вечерниот состанок со дел од функционерите на ВЛЕН во Гостивар, дополнително се потврди решеноста за вистински промени и зголемување на квалитетот на животот на локално ниво.
Меџити потенцира дека заложбите на ВЛЕН се фокусирани на конкретни проекти кои ќе ги подобрат инфраструктурата, услугите и условите за живот на граѓаните во двете општини.
