Пензионираниот бригаден генерал Амир Авиви, претседател на Израелскиот форум за одбрана и безбедност (ISDF), оцени дека режимот во Иран е на работ на колапс и дека САД можеби наскоро ќе интервенираат, пренесува „Џерусалем Пост“.
– Денес можам да кажам нешто што не можевме да го кажеме пред еден месец: овој режим паѓа. Нема да има ирански режим и ова целосно ќе ја промени иднината на Израел – изјави Авиви на конференцијата организирана од весникот.
Тој додаде дека очекува масовен американски напад врз Иран, со можна поддршка од Израел и од демонстрантите. – Мислам дека овој режим нема шанси и ќе падне – рече Авиви, нагласувајќи дека неговата организација, ISDF, собира резервни офицери и оперативци од сите гранки на израелските безбедносни сили.
Оваа изјава доаѓа во време на зголемено меѓународно внимание кон напнатоста меѓу САД, Израел и Иран.
