Компанијата „Лукоил Македонија“ ќе остане надвор од сите тендери за јавни набавки во Македонија следните шест месеци. Одлуката стапи на сила на 17 декември минатата година, откако Министерството за одбрана ѝ издаде негативна референца.
Забраната важи за учество на тендери објавени од државни институции, општини, како и од училиштата низ целата земја. Според официјалното образложение од Министерството, причината за санкцијата е тоа што компанијата не обезбедила банкарска гаранција, што претставува клучен услов при јавните набавки.
Во обид да ја оспори одлуката, „Лукоил Македонија“ поднесе жалба до Државната комисија за жалби по јавни набавки, но и таму ја доби конечната одлука – жалбата е одбиена.
