Google направи значаен чекор во светот на вештачката интелигенција со претставувањето на својата нова бета-функција Personal Intelligence, интегрирана во апликацијата Gemini AI. Оваа алатка има цел да ја трансформира комуникацијата со дигиталниот асистент, овозможувајќи му да понуди навистина персонализирана помош на корисниците.
Со Personal Intelligence, корисниците можат – со сопствена согласност – да ги поврзат своите Gmail, Google Photos, Search и YouTube профили, овозможувајќи на Gemini да користи личен контекст при создавање одговори. Наместо да се потпира само на општи информации, асистентот сега „знае“ за вашите претходни активности, пораки, пребарувања и фотографии, и на тој начин може да предлага решенија и совети кои се директно поврзани со вашите навики и интереси.
На пример, Gemini може да комбинира податоци од различни сервиси за да одговори на прашања како што се „Кои места ги посетив минатиот месец?“ или „Што ми беше планирано за викендот?“ – нешто што досега беше невозможно со традиционалните AI алатки.
Google истакнува дека приватноста останува врвен приоритет: Personal Intelligence е исклучена по дифолт, а корисниците сами одлучуваат кои апликации ќе ги поврзат. Сите податоци се користат исклучиво со дозвола на корисникот.
За почеток, бета-функцијата е достапна само во САД и тоа за претплатниците на Google AI Pro и AI Ultra, но компанијата најавува дека во наредните месеци ќе ја прошири и за бесплатните корисници и на други пазари.
Овој потег е јасен одговор на конкурентите во областа на AI, а Гугл ја користи својата предност – еден од најголемите и најповрзаните дигитални екосистеми во светот – за да направи свој асистент кој не само што одговара, туку и „разбира“ корисник.
