Министерот за надворешни работи и надворешна трговија, Тимчо Муцунски, утрово оствари работна средба со Управниот одбор на Македонско-турската стопанска комора (MATTO), организација која има значајна улога во унапредувањето на економската соработка и зајакнувањето на односите меѓу двете земји.
На средбата се разговараше за институционална поддршка на компаниите со цел унапредување на извозот, поттикнување на извозно ориентирани компании, создавање нови извозни капацитети и привлекување нови инвестиции.
Муцунски истакна заедничка подготвеност за продлабочување на соработката преку конкретни иницијативи за јакнење на трговските односи меѓу Северна Македонија и Турција. Претставниците на Комората ја поздравија иницијативата за поинтензивна институционална соработка и координација во наредниот период.
