Светските финансиски пазари доживеаја сериозен потрес поради новиот план на САД за преземање контролa врз Гренланд и заканите на американскиот претседател Доналд Трамп за воведување царини кон осум европски земји.
Цената на златото достигна рекордни 4.690,59 долари, додека среброто се искачи на 94,12 долари, откако инвеститорите се свртеа кон „безбедните засолништа“. Од 1 февруари, Данска, Норвешка, Шведска, Франција, Германија, Велика Британија, Холандија и Финска ќе се соочат со почетни царини од 10%, кои би можеле да пораснат до 25% до јуни.
Берзите во Азија и Пацификот бележат претежно пад, додека ЕУ подготвува одговор, вклучувајќи можност за контра-тарифи на американска стока во вредност од 93 милијарди евра, што сериозно ја загрозува минатогодишната трговска спогодба меѓу САД и ЕУ.
