Сите го знаеме тоа чувство: доцна навечер, скролате низ омилената онлајн продавница, гледате фустан или серум за лице и се прашувате „Дали е ова навистина за мене?“ Во тој момент на несигурност, најчесто ја затвораме страницата. Недостасува оној магичен момент од физичките продавници, пријателскиот глас кој ќе ви каже: „Ова совршено ќе ви стои“.
„Замислете да влезете во продавница за облека, но наместо да можете да ја допрете облеката, гледате само фотографии на ѕидовите. И најлошото: нема никој да ве пречека. Нема кој да прашате дали има друга боја или дали можете да ја вратите. Тоа е реалноста на многу онлајн продавници денес – многу реклами, но малку внимание,“ вели креаторот на решението.
Токму таа празнина, тој недостаток на емпатија во дигиталниот простор, го инспирираше Игор Илиевски да ја создаде Amenexia. Ова не е приказна за компјутерски код, туку за враќање на интимноста во купувањето. По освојувањето на срцата на купувачите во САД и Панама, оваа македонска иновација се враќа дома, носејќи го гламурот на светските пазари во локалните е-продавници.
Од подрумот на дедо до награди во Дубаи
Ако барате инспирација за сценарио, приказната на Игор е токму тоа. Сè започнува далеку од сјајот на Њујорк, во еден подрум во Македонија во раните 2000-ти, каде еден млад визионер сонува да го поврзе светот преку екраните. Две децении подоцна, таа визија е крунисана со престижната награда за животно дело на BURJ CEO Awards во Дубаи.
Извор: Amenexia
Но, и покрај глобалниот успех и работата со гигантите во САД, најважниот чекор за тимот е токму овој, донесувањето на светскиот стандард дома.
