Под влијание на циклонска активност, во текот на ноќта и утре се очекуваат повремени врнежи од дожд на повеќе места низ земјава, додека на планините врнежите ќе бидат од снег. Најобилни врнежи се прогнозирани во југоисточните региони, каде се очекува наврнување над 20 литри на метар квадратен.
Продорот на постудена воздушна маса од север ќе предизвика постепено преминување на врнежите во снег во повисоките предели, како и во некои од пониските места.
Во Скопје, во текот на ноќта и утре се најавуваат повремени дождови, додека на околните планини врнежите ќе бидат мешани, односно од дожд и снег.
