Ноќеска е фрлена експлозивна направа врз куќата на познатиот пејач Здравко Чолиќ во Белград, при што е причинета материјална штета, но нема повредени.
Во моментот на експлозијата во објектот се наоѓале Чолиќ, неговата сопруга и ќерката. Тие не се здобиле со повреди.
Според првичните информации од полицијата, се сомнева дека станува збор за рачна граната. Мотивот за нападот засега не е познат.
На местото на настанот излегол дежурен јавен обвинител од Вишото јавно обвинителство во Белград, кој заедно со полициските екипи врши увид и работи на утврдување на сите околности поврзани со инцидентот.
