Приштина се издвојува како најевтината престолнина во Европа според трошоците за живот, кириите, храната и цените во рестораните, покажуваат податоците од онлајн-платформата „Нумбео“. Ова го потврдува Радио Слободна Европа, нагласувајќи дека, и покрај ниските цени, куповната моќ во косовската метропола останува меѓу најслабите на континентот.
Во рангирањето по Приштина следуваат Атина, Скопје, Белград, Лисабон, Киев, Кишињев и Тирана. За споредба, индексот на трошоци за живот во Њујорк е поставен на 100, додека во Приштина тој изнесува само 29,17. Оваа разлика ја потврдува позицијата на Приштина како најевтината европска престолнина.
Иако нискиот индекс ветува достапност за туристи и нови жители, слабата куповна моќ укажува на економски предизвици за локалното население.
