Градоначалникот на Општина Брвеница, Јовица Илиевски, денеска оствари средба со претседателот на Фудбалската федерација на Македонија, Масар Омерагиќ.
На средбата беа разгледани прашања од заеднички интерес, со посебен акцент на институционалната соработка и можностите за промоција и унапредување на спортот во Општина Брвеница. Во фокусот беа и конкретни чекори за поддршка на младите спортисти, како и развојот и подобрувањето на спортската инфраструктура во општината.
Илиевски истакна дека ваквите средби се значајни за создавање услови за поголема вклученост на младите во спортот и за долгорочен развој на спортските капацитети, додека од страна на ФФМ беше изразена подготвеност за соработка и поддршка на локалните спортски иницијативи.
