Странски инвеститори се впуштаат на македонскиот пазар на недвижности, а според гувернерот на Народната банка, Трајко Славески, во последно време забележан е пораст на купувањата на станови во новоградба. „Имаме информации дека инвестициски фондови од странство купуваат значителен број станови“, рече Славески во интервју за ТВ Телма.
Неофицијални податоци говорат дека само еден дански фонд веќе вложил во 40 станови во згради кои се во изградба во Скопје, недалеку од Центарот. Сепак, намерата на инвеститорите засега останува неизвесна – дали ќе ги издаваат станбените единици или ќе чекаат понатамошен раст на цените.
„Мислам дека главната логика на инвестицијата е очекувањето дека цените ќе продолжат да растат, но тоа, секако, не е гаранција“, нагласи гувернерот, предупредувајќи дека ваквите вложувања носат ризик.
