Кина ги повика Соединетите Американски Држави да ги продолжат разговорите со Русија за стратешката стабилност и за идните аранжмани по истекот на договорот за намалување на стратешкото вооружување „Нов старт“, изјави денеска портпаролот на кинеското Министерство за надворешни работи, Лин Џијан.
„Тоа е исто така заедничко очекување на меѓународната заедница“, истакна Џијан на редовната прес-конференција.
На прашањето за предлогот на американскиот претседател Доналд Трамп за развој на нов, унапреден и долгорочен договор со Русија наместо продолжување на „Нов старт“, Лин рече дека Кина не е запознаена со деталите на тој предлог, додавајќи дека Пекинг го поддржува дијалогот и дипломатските иницијативи за зачувување на глобалната стратешка стабилност.
