Норвешките истражни органи започнаа постапка против поранешниот премиер на земјата и екс генерален секретар на Советот на Европа, Торбјорн Јагланд, откако нови информации го доведоа во врска со случајот на Џефри Епштајн.
Според соопштението на полицијата, основ за истрагата се податоци што произлегуваат од неодамна објавени документи поврзани со американскиот финансиер и осуден сексуален престапник, кој почина во 2019 година. Во фокусот на истражувањето е прашањето дали Јагланд, за време на извршување јавни функции, евентуално примал финансиски средства или други видови подароци.
Јагланд не е единственото познато име опфатено со овие проверки. Властите потврдуваат дека уште неколку истакнати личности од норвешкиот јавен живот се предмет на истраги поради нивни можни контакти и релации со Епштајн.
