Охрид и струшкото село Радожда ќе бидат домаќини на големи воени активности, откако од 7 до 20 февруари на терен ќе се реализира обука на специјалната единица на Армијата на Кралството Белгија.
За време на вежбите, кои се дел од пошироката манифестација „BEL-SOF Exercise 26“, ќе се користат артифиции, воени моторни возила, дронови, пловни средства и други тактички ресурси. Вежбата, која ќе се спроведува и на други локации во земјава, има за цел да ја подобри оперативната подготвеност на белгиските сили.
Граѓаните на Охрид и Струга се повикуваат на внимателност и соработка со полициските и армиските службеници на терен, кои ќе се грижат за безбедноста на сите учесници и на јавноста.
