ИО на СДСМ вечерва го поддржа предлогот на Венко Филипче, Андреј Жерновски да стане нов секретар за меѓународна соработка на партијата. Предлогот сега треба да биде потврден и на ЦО на СДСМ.
Жерновски доаѓа на позицијата која претходно ја вршеше Бојан Маричиќ, а која остана празна откако Венко Филипче ја презеде партијата. Тој е член на ИО на СДСМ и остана во раководството и по колективната оставка на партиското раководство, која беше поднесена по историскиот пораз на СДСМ на локалните избори.
Андреј Жерновски е поранешен амбасадор на Македонија во Романија. Тој е и поранешен градоначалник на Општина Центар, една од ретките општини освоени од СДСМ во 2013 година. Дополнително, Жерновски е поранешен претседател на ЛДП, партија која од 2011 година постојано учествува во коалицијата на СДСМ.
