На граничниот премин Долно Блаце синоќа, непосредно пред полноќ, се случил инцидент во кој автобус удрил во гранична кабина. Како што соопштија од Министерството за внатрешни работи, автобусот со косовски регистарски таблички го управувал 40-годишниот И.Ф. од Косово и истиот се движел кон излез од државата.
По пријавата, на местото на настанот интервенирала увидна екипа од СВР Скопје, која извршила детална проверка. На возачот не му било дозволено да ја напушти државата, а неговите лични и патни документи биле привремено одземени, поради понатамошна постапка и утврдување на околностите под кои дошло до инцидентот.
