Министерката за енергетика, рударство и минерални суровини, Сања Божиновска, оствари значајна средба со постојаната координаторка на Обединетите нации, Рита Колумбија, посветена на зајакнување на соработката за одржлив развој.
На средбата се дискутираше за имплементацијата на Рамката за одржлив развој 2026–2030, со посебен фокус на енергетската транзиција, климатската акција и заштитата на природните ресурси.
Божиновска нагласи дека жените и младите се клучни носители на промени, иновации и лидерство во енергетскиот сектор. „Заедно создаваме отпорно, инклузивно и одржливо општество – без никој да биде изоставен“, истакна таа.
Министерката потврди дека Министерството останува цврсто посветено на исполнување на националните и меѓународните обврски и на градење партнерства што носат реални резултати за граѓаните.
