Во близина на плажата Калдрма во Нов Дојран денеска беше поставена нова колекторска пумпа, која според надлежните ќе ја зголеми ефикасноста на колекторскиот систем и ќе придонесе за поефикасно прочистување на водите од Дојранското езеро.
„Ова е само првата од неколкуте пумпи што ќе бидат поставени на потегот од Нов до Стар Дојран, со цел да се обезбеди непречено одведување на отпадните води до главната колекторска станица“ изјавија од Јавното комунално претпријатие „Комуналец – Полин“.
Со оваа инвестиција, локалните власти се надеваат дека ќе се надминат долгогодишните проблеми со водоснабдувањето и канализацијата, а посетителите и жителите ќе можат да уживаат во почисти и побезбедни езерски води.
