Жителите на дел од Општина Карпош денеска ќе останат без вода поради дефект на водоводна цевка. Како што соопшти ЈП „Водовод и канализација“ – Скопје, проблемот се појавил на цевка Ф-80 мм на булеварот „Илинден“, во кругот на ЈП „Паркови и зеленило“.
Прекин во водоснабдувањето ќе има за корисниците на булеварот „Илинден“, од крстосницата со улицата „Франклин Рузвелт“ до крстосницата со булеварот „8-ми Септември“.
Од водоводната компанија информираат дека водоснабдувањето ќе биде обновено веднаш по завршувањето на сите неопходни работни активности.
