Во Скопје утрово има прекин на водоснабдувањето на повеќе локации низ градот. Од Јавното претпријатие „Водовод и канализација“ информираат дека проблемот е предизвикан од дефект на улицата Венијамин Мачуковски.
Без вода останаа жителите на оваа улица, како и корисниците на „Анастас Митрев“, дел од „Петар Ацев“ и учениците и персоналот на училиштето „Димитар Влахов“. Претпријатието соопшти дека екипите веќе работат на отстранување на дефектот и нормализација на водоснабдувањето.
