Меѓународната невладина организација „Лекари без граници“ соопшти дека привремено прекинува дел од своите операции во болницата „Насер“ во Кан Јунис, Појасот Газа, поради присуство на вооружени, маскирани лица во објектот.
Болницата, една од ретките што продолжуваат да работат во регионот, лекува стотици пациенти и ранети од војната и служи како центар за грижа за Палестинци ослободени од затвор во замена за израелски заложници.
Од „Лекари без граници“ наведуваат дека сите нивни неитни медицински операции се суспендирани поради „закани за безбедноста на тимовите и пациентите“, а пријавено е и заплашување и произволно апсење на пациенти.
Израелските напади врз болницата „Насер“ продолжуваат и во моментот, а израелските власти обвинуваат дека Хамас користи делови од болницата за свои активности.
