Емотивна сцена од Турција стана хит на социјалните мрежи откако постар човек се обидел да интервенира мислејќи дека дете е физички нападнато на улица, без да знае дека станува збор за снимање на филмска сцена.
На видеото се гледа како старецот брзо се приближува кон група луѓе, видливо вознемирен од тоа што го сметал за насилство врз малолетник. Сепак, неколку секунди подоцна му било објаснето дека станува збор за актерска изведба и снимање на филм, по што ситуацијата се смирува.
Снимката предизвика лавина позитивни реакции на интернет, при што корисниците ја пофалија храброста и човечноста на старецот, нагласувајќи дека неговата реакција покажува дека не е рамнодушен кон насилството врз деца.
„Подобро е да реагираш и да згрешиш, отколку да гледаш и да молчиш“, е една од пораките што најчесто се споделува под видеото.
Настанот уште еднаш ја отвори дебатата за потребата од јасно означување на снимањата на јавни места, за да се избегнат вакви недоразбирања.
