Поранешниот министер за енергетика на Украина, Герман Галушченко, е приведен на граница додека се обидувал да ја напушти земјата, осомничен за огромна корупциска шема вредна над 100 милиони долари и за земање мито во милионски износи.
Граничната полиција го задржала додека патувал со воз, откако добила јасни инструкции да го спречи бегањето во странство. Од таму веднаш бил префрлен во Киев на дополнително сослушување и истрага, велат извори од украинските власти.
Галушченко, кој минатата година под силен притисок беше тргнат од функцијата поради сомненија во судир на интереси, неколку пати бил на високи државни позиции – најпрво како министер за енергетика, а подоцна и кратко како министер за правда. Според информациите објавени од Би‑Би‑Си, тој се наоѓа во центарот на група владини претставници кои биле вмешани во сложена шема за присвојување државни средства уште во ноември минатата година.
Обвинителите тврдат дека Галушченко години наназад систематски примал поткуп од изведувачите на работи поврзани со државната атомска компанија „Енергоатом“. Се верува дека земал помеѓу 10% и 15% од вредноста на јавните договори како „надворешна провизија“, што, според обвинението, резултирало со незаконски добивки од над 100 милиони долари.
Скандалот ја забрза и смената на неговата наследничка, Светлана Хринчу, која исто така поднесе оставка бидејќи беше поврзана со истата истражна постапка.
