Грција вчера беше погодена од необично силен циклон кој се формираше над Јадранското Море, предизвикувајќи вистинска атмосфера на хаос и природна катастрофа. Јужните ветрови дуваа со невидена сила, носејќи со себе честички песок од далечната Сахара, па речиси целата земја се обви во оранжево-сивкаст облак. Квалитетот на воздухот нагло се влоши, создавајќи густ смог кој го наруши дишењето и видливоста.
Најпогоден беше брегот на Егејското Море, каде што бурните јужни налети достигнуваа брзина од 100 км/ч. Огромни бранови се кренаа од морето и ја зафатија крајбрежната област, предизвикувајќи поплави кои ги прекрија улиците и делови од населбите. Паралија и Олимпик Бич беа најдраматични, иако небото остана ведро, а дожд не паѓаше, водата како да се излеа од морето и ги поплави градските улици.
Главните виновници за оваа појава беа силните јужни струи, високата плима и ненормално низкиот воздушен притисок, кои заедно создадоа услови за вода да се излее на копното. Дополнително, топлото време со температури до 20 степени го зголеми ефектот, оставајќи зад себе низа градови и населби под вода и градски пејзажи како од фантастичен апокалиптичен филм.
Грчките власти веќе издадоа предупредувања и апелираат до граѓаните да ги избегнуваат поплавените подрачја додека состојбата не се стабилизира.
