Легендарниот британски бенд Duran Duran официјално најави дека ќе го посети Македонија, иако точниот датум за настапот сѐ уште останува непознат. На својот Инстаграм профил, бендот сподели дека ова лето се враќа на европската сцена со серија спектакуларни концерти, вклучувајќи ги Данска, Холандија, Чешка, Унгарија, Бугарија, Србија и Македонија, по тројцата специјални настапи во Италија.
Возбудата околу можниот македонски концерт дополнително се зголеми кога продукцијата Avalon Production на социјалните мрежи објави стихови од култниот хит на бендот од 1983 година, „Is There Something I Should Know?“, сугерирајќи дека токму тие би можеле да бидат организатори на шоуто.
Ова нема да биде прво гостување на Duran Duran во Скопје – бендот последен пат ја освои сцената во главниот град на 7 јули 2012, исто така во соработка со Avalon Production.
