Македонската новинарска сцена вечерва ќе слави значаен јубилеј – 80-годишнината од основањето на Здружението на новинари на Македонија (ЗНМ). Прославата ќе се одржи во просториите на Македонската опера и балет, каде што ќе се одбележи долгогодишната посветеност на организацијата кон новинарската професија и слободата на изразување.
Во рамки на свеченоста, ЗНМ ќе додели неколку престижни награди кои ги признаваат врвните достигнувања во новинарството. Меѓу нив се: „Крсте Петков Мисирков“ за животно дело, наградата „Јашар Еребара“ за истражувачко новинарство за 2025 година, како и признанието за најдобро новинарско известување за теми од локално и регионално значење за 2025 година.
„Овој јубилеј ни овозможува да погледнеме наназад на осум децении непрекината работа во заштита на јавниот интерес, слободата на говорот и професионалниот интегритет на новинарите“ истакнуваат од ЗНМ во своето соопштение.
