Жителите на населбата Мал Париз во Битола во наредниот период ќе се соочат со градежни активности поради обновување на водоводната инфраструктура. Од 19 февруари 2026 година, Јавното комунално претпријатие „Водовод“ – Битола започна со реконструкција на водоводната мрежа на улица „Даме Груев“, крак 1 и крак 2.
Проектот опфаќа целосна замена на постојната, дотраена мрежа со нова инсталација изработена од полиетиленски цевки, кои обезбедуваат поголема издржливост и сигурност. Во рамки на зафатот ќе бидат изведени и нови водоводни приклучоци за домаќинствата.
Од претпријатието информираат дека поради градежните активности се можни повремени прекини во водоснабдувањето, за што граѓаните ќе бидат навремено известувани.
