Грција започна со воведување иновативен дигитален систем во тунелите на главните автопати, кој ветува револуција во безбедноста на патиштата. Станува збор за современа верзија на „копчето за паника“, но со една клучна разлика – возачот не мора да го притисне.
Новата технологија користи напредни камери и софтвер кој постојано ја следи состојбата во тунелот. Системот автоматски препознава возила што се застанати подолго од нормалното и веднаш алармира до Центарот за управување со сообраќајот. Доколку се потврди ризик или инцидент, се активираат надлежните служби, без возачот да преземе каква било акција.
До сега, комуникацијата со властите во тунелите зависеше од традиционалните SOS телефони или фиксни уреди за итни случаи, кои бараа возачот да излезе од возилото за да повика помош. Тие системи, заедно со противпожарни апарати, итно осветлување и излези за евакуација, беа стандард во секој тунел.
Со воведувањето на автоматизираното „копче за паника“, грчките власти се надеваат на значително подобрување на брзината и ефикасноста на реакциите при сообраќајни инциденти. Овој систем има за цел да се спасат животи и да се намалат последиците од несаканите настани на автопатите, прилагодувајќи ја безбедноста на тунелите кон највисоките европски стандарди.
