Министерката за енергетика, рударство и минерални суровини, Сања Божиновска, денеска беше во теренска посета на „Мермерен Комбинат Прилеп“, каде ги разгледа процесите на експлоатација, условите за работа и инвестициите во модерна технологија и безбедност.
Божиновска истакна дека македонското рударство има знаење, традиција и потенцијал, и дека задачата на институциите е да обезбедат јасни правила, стабилна средина и фер услови за сите. Таа нагласи дека развојот мора да оди заедно со стандарди, грижа за животната средина и почитување на правилата, за успехот да биде долгорочен.
„Ресурсите што ги имаме мора да значат повеќе работни места, повеќе финална обработка во Македонија, повеќе додадена вредност за домашната економија и одржливо рударство што носи реална корист за граѓаните“, рече Божиновска.
Министерката потенцираше дека компаниите кои инвестираат во технологија, безбедност и заштита на животната средина се партнери во развојот и дека токму таков пристап институцијата ќе поддржува, нагласувајќи дека политиките се креираат директно на терен, каде што се создава реалната економија.
….
