По повод празникот Велики поклади – Прочка, Тони Коњановски, градоначалник на Општина Битола, упати порака за простување, љубов и духовно издигнување.
Во својата порака, Коњановски нагласи дека празникот е симбол на простување и помирување, потсетувајќи дека токму преку прошката човекот се издигнува над навредите и недоразбирањата.
„Денес кога небото и простува на земјата, а човек на човека простува, да простиме и да се издигнеме над тие кои повредиле“, порача Коњановски.
Тој упати и традиционална порака за прошка до сите граѓани, нагласувајќи дека љубовта и простувањето се највисоките вредности.
„Простете и простено нека Ви биде од мене и од Бога, зошто кој проштева тој љуби, а кој љуби тој е од Бога“, истакна Коњановски.
На крајот од својата порака, тој им го честиташе празникот на граѓаните, посакувајќи здравје, мир и заедништво.
„Нека ни е честит и за многу години празникот Велики поклади – Прочка“, порача градоначалникот на Битола.
…
