Вистинска драма се одвивала на скопските улици, каде ноќта поминала во знакот на насилство, пресметки и директни напади врз полицијата.
Според информациите, регистрирани се повеќе инциденти – од физички тепачки, до обид со возило да се прегазат полициски службеници кои извршувале службени дејствија.
На неколку локации во градот избиле жестоки пресметки меѓу граѓани, при што полицијата морала да интервенира за да го воспостави јавниот ред и мир. Дел од учесниците биле приведени на лице место, додека против други ќе следуваат соодветни пријави.
Најсериозен бил инцидентот во кој лице со автомобил се обидело да удри полицајци. Благодарение на брзата реакција, избегната е потешка последица, а осомничениот е лишен од слобода.
Од МВР информираат дека се работи на целосно расчистување на сите случаи и најавуваат кривични и прекршочни пријави против инволвираните.
Граѓаните кои биле сведоци на случувањата велат дека ноќта била „како на филм“, со постојани сирени, интервенции и тензии на повеќе точки низ главниот град.
Полицијата апелира на смиреност и почитување на законот, најавувајќи засилени контроли во наредниот период.
