Хрватскиот претседател Зоран Милановиќ упати критика кон европската визија за иднината, според која енергијата ќе биде чиста, а стариот товар од минатото и гревовите на континентот ќе се избришат. „Тоа е идеална слика, но нереална Аркадија“, рече тој, предупредувајќи дека реалноста е далеку поцрна.
Милановиќ истакна дека вооружувањето е енергетски прескап процес: тенкови, оклопни возила и останатата воена опрема бараат огромни количини на енергија, за која Европа плаќа висока цена – но никој не сака да зборува за тоа.
„Германскиот тенк чини околу 30 милиони евра. Сите тие производи, сите тие ресурси, доаѓаат преку танкери, се пренесуваат во германските електрани и фабрики, а на крајот ја зголемуваат цената на финалниот производ“, предупреди хрватскиот лидер, нагласувајќи дека зад енергетската и економската цена се крие суровата реалност на воената моќ.
