Повеќе населби во Скопје утре (26 февруари) ќе останат без електрична енергија поради планирани технички зафати, информираат надлежните служби.
Според најавите, од 04:00 до 08:00 часот без струја ќе бидат делови од општините Чаир, Шуто Оризари и Бутел, како и целото Визбегово со индустриската зона. Во Чаир, прекинот ќе ги зафати населбите Север и Топанско Поле, додека во Шуто Оризари ќе бидат погодени делови од општината, а во Бутел – населбата Бутел.
Подолготраен прекин е најавен во општина Центар, каде од 07:30 до 15:30 часот без струја ќе останат корисници на булеварот „Митрополит Теодосиј Гологанов“, вклучително и околните објекти, поликлиниката „Идадија“, маркети и деловни објекти.
Во општина Аеродром, од 08:00 до 16:00 часот без електрична енергија ќе бидат дел од улицата „Тодор Чангов“ и околните објекти.
Прекини се најавени и во Сингелиќ, каде од 09:00 до 13:00 часот без струја ќе биде дел од улицата „Финска“.
Во општина Карпош, пак, од 11:00 до 14:00 часот без електрична енергија ќе остане дел од улицата „Крагуевачка“.
Надлежните апелираат граѓаните навремено да ги прилагодат своите активности за време на планираните прекини.
