ЕВН Македонија АД известува дека денеска дел од корисниците во општина Центар ќе останат без електрична енергија поради планирани интервенции во електродистрибутивната мрежа.
Прекинот ќе започне во 07:30 часот и ќе трае до 15:30 часот. Без струја ќе бидат жителите на дел од улицата „Новопроектирана“ број 2, како и одредени локали и станбени објекти на булеварот „Партизнански Одреди“ (броевите 15, 16 и 17). Исто така, дел од објектите и локалите на булеварот „Климент Охридски“ ќе останат привремено исклучени од мрежата.
