Најавени се привремени прекини во водоснабдувањето на неколку локации во Скопје. Од ЈП „Водовод и канализација“ информираат дека утрово, од 09:00 часот, корисниците на улицата „Демир Трајко“ и на куќните броеви 1, 3, 5, 7, 9 и 11 од улицата „Партизанска“ во Општина Карпош ќе останат без вода, поради изведување на нов водоводен приклучок на адресата „Демир Трајко“ број 51.
Во меѓувреме, во Општина Бутел, прекин во водоснабдувањето ќе има од 10:00 часот за дел од корисниците на улицата „Хо Ши Мин“ број 292, поради дефект на водоводната мрежа на споменатата локација.
Граѓаните се замолуваат за трпение додека траат работите, а ЈП „Водовод и канализација“ најавува дека екипите се на терен за што побрзо решавање на проблемите.
