Израел изврши „превентивен напад“ врз Иран, отворајќи нова фаза на тензии во регионот, додека се појавуваат информации за можен директен ангажман на САД во воената операција. Во повеќе делови на Техеран се слушнаа силни експлозии, а израелските власти прогласија вонредна состојба и предупредија на можен одмазден удар од иранска страна.
Израелскиот министер за одбрана Израел Кац соопшти дека мерките се преземени поради очекуван одговор од Иран, кој би можел да вклучи употреба на дронови и балистички ракети. Во повеќе израелски градови се огласија сирени за воздушна опасност, а граѓаните беа повикани да се придржуваат само кон неопходни активности.
Според информации објавени од американски медиуми, нападот бил координиран со САД, при што неименуван американски функционер посочил дека и американските сили извршуваат удари врз цели во Иран. Засега нема официјална потврда од Вашингтон за обемот на вклученост.
Иранските медиуми известуваат за најмалку три експлозии во Техеран, проследени со густ чад во повеќе делови од градот. Според државната телевизија, удари биле регистрирани и во близина на важни државни институции, вклучително и објекти поврзани со врвното раководство.
Според достапните информации, израелските напади биле насочени кон лансери и капацитети поврзани со балистички ракети, за кои Тел Авив смета дека претставуваат директна закана за безбедноста на државата.
Fumée au-dessus de Téhéran : #Israel a frappé l'#Iran, alors que #Trump met la pression.
Un travail coordonné – formellement, ce ne sont pas les #USA, qui ont frappé … pic.twitter.com/71c7OC39dt— Karine Bechet (@bechetgolovko) February 28, 2026
Ситуацијата останува крајно напната, со зголемен ризик од поширока ескалација, додека меѓународната заедница внимателно ги следи развојот на настаните и можните последици од евентуален ирански одговор.
Видеото може да го погледнете тука
…
