Погодена е резиденцијата на врховниот лидер на Иран, ајатолахот Али Хамнеи, во Техеран, засега нема потврдени информации за тоа дали Хамнеи се наоѓал на лице место при ударот на ракетите. Силни експлозии одекнале во дел од градот и се издигнал густ облак од чад над погодената област.
Нападот е дел од пошироката воена операција што од рано утринава ја спроведуваат Израел и САД, насочена кон објекти поврзани со иранското раководство и безбедносната структура. Ова претставува најсериозен удар во срцето на иранската престолнина досега.
Во изминатиот период беше забележано масовно распоредување на американска воена опрема во источниот Медитеран, како и засилена воздушна логистика и поддршка за израелските сили, што укажуваше на подготвеност за ваква операција.
Засега нема официјални информации за состојбата на ајатолахот Хамнеи ниту за бројот на жртви, додека безбедносните сили го блокираат реонот околу погодената локација.
Ситуацијата е во тек и се очекуваат нови детали.
ВИДЕО ОД ДРУГА ПЕРСПЕКТИВА ВО КОЕ СЕ СЛУША ИРАНКА КАКО ИСКАЖУВА РАДОСТ
