Денес е петтиот ден од израелско-американската војна против Иран.
Израел започна нови напади врз цели во Иран и се закани со одмазда доколку Техеран возврати откако Моџтаба Хамнеи, синот на ајатолахот убиен на почетокот на војната во саботата, беше избран за нов врховен лидер.
Турското Министерство за одбрана соопшти дека балистичка ракета испукана од Иран се движела кон турскиот воздушен простор пред да биде соборена.
Скај њуз објави дека воздушната одбрана на НАТО во Источниот Медитеран соборила ракета што поминала низ ирачкиот и сирискиот воздушен простор.
Немало жртви или повредени.
Министерството за одбрана во Анкара во соопштението изјави дека „иако Турција се залага за регионална стабилност и мир, таа е целосно способна да ја заштити својата територија и своите граѓани, без оглед на изворот или потеклото на каква било закана“.
– Сите потребни чекори за одбрана на нашата територија и воздушен простор ќе бидат преземени решително и без двоумење. Повторуваме дека го задржуваме правото да одговориме на секој непријателски чин насочен против нашата земја. Ги повикуваме сите страни да се воздржат од дејствија што би можеле да предизвикаат понатамошна ескалација на конфликтот во регионот – изјави турското министерство.
Во соопштението се додава дека „Турција ќе разговара со НАТО и другите сојузници по инцидентот“.
…
