Заменик-министерот за надворешни работи на Иран, Маџид Тахт-Раванчи, денеска изјави дека Техеран ги информирал европските и другите земји дека ќе бидат легитимни цели на иранските напади ако се приклучат на војната против Иран, на страната на САД и Израел.
„Техеран веќе ги информираше Европејците и сите други дека треба да бидат внимателни и да не се приклучат на оваа агресивна војна против Иран. Доколку која било земја им се придружи на САД и Израел во агресијата против Иран, таа ќе биде легитимна цел на иранска одмазда“, рече Тахт-Раванчи во интервју.
Тој потврди дека Иран напаѓа курдски групи во соседен Ирак, по објавувањето на извештаите дека ЦИА и Мосад ги вооружуваат овие групи.
„Доколку има потреба да се заштити нашиот суверенитет, дефинитивно ќе го сториме тоа“, нагласи Тахт-Раванчи.
…
