Дел од градот Тетово, како и тетовските села Пирок и Жеровјане, утре (10 март) ќе останат без електрична енергија поради планирани прекини.
Според најавата, во селото Пирок и делови од неговата околина струја нема да има од 08:45 до 14:15 часот. Без напојување во истиот временски период ќе бидат и делови од селото Жеровјане.
Во меѓувреме, во дел од Тетово, поточно во дел од населбата Вонвардарска, прекинот на електричната енергија е планиран од 09:00 до 10:45 часот.
Прекините се поради изведување на технички зафати и работи на електродистрибутивната мрежа. Надлежните апелираат граѓаните навреме да ги планираат своите активности.
