Делови од Скопје утре (10 март) ќе останат без електрична енергија поради планирани технички зафати на електродистрибутивната мрежа.
Според најавата, во општина Центар без струја ќе биде дел од улицата Тодор Александров, односно комплексот Олимписко Село. Прекинот е планиран од 08:30 до 15:00 часот.
Електрична енергија нема да има и во населбата Драчево, каде без струја ќе остане дел од улицата Јустинијан Први, од раскрсницата со улицата Речиште до пред ресторанот Мерита. Прекинот таму ќе трае од 08:30 до 15:30 часот.
Надлежните информираат дека прекините се поради изведување на планирани работи на мрежата и апелираат граѓаните навреме да ги организираат своите обврски.
