Премиерот Христијан Мицкоски јавно го осуди одлуката на бугарската гранична полиција да му забрани влез во земјата на адвокатот Тони Менкиноски до 2036 година.
По телефонски разговор со Менкиноски, Мицкоски оцени дека ваквиот потег претставува кршење на човековите права и испраќа негативна порака до Европската Унија.
„Менкиноски не е престапник, туку чесен граѓанин, чиј единствен „грев“ е правното застапување на Македонците во Бугарија пред Судот во Стразбур“, изјави премиерот. Тој предупреди дека ако ЕУ не реагира официјално, угледот на Унијата може сериозно да биде нарушен.
Адвокатот веќе ја информирал македонската влада и меѓународните организации за човекови права, најавувајќи дека ќе ги искористи сите можности пред Советот на Европа и Обединетите нации за оспорување на оваа забрана.
