Денеска (03.04.2026) на булевар „Борис Трајковски“ во Скопје, полициски службеници од Мобилната единица за безбедност на сообраќајот на патиштата извршија контрола на автобус со скопски регистарски ознаки, кој врши јавен превоз на патници, вклучувајќи организиран превоз на деца.
При проверката беше утврдено дека во автобусот се превезуваат 85 патника, додека дозволениот број според сообраќајната дозвола е 48, што значи дека возачот Ј.Д. (63) од Скопје превезувал 37 патници повеќе од дозволеното.
Вонредниот технички преглед во овластена станица покажа дека автобусот имал сериозни неисправности на уредите за сопирање, како и оштетено ветробранско стакло, што го загрозува нормалното функционирање и видливоста.
Против правниот субјект, одговорното лице и возачот се преземени соодветни законски мерки, а возилото е исклучено од сообраќај додека не се отстранат недостатоците.
МВР апелира до сите учесници во сообраќајот да ги почитуваат правилата за да се обезбедат побезбедни патишта за сите.
…
