Израел одби да се вклучи во дипломатски преговори предложени од Либан со цел да се запре ескалацијата на конфликтот со милитантната група Хезболах, наведуваат анонимни извори. Израелските власти наведуваат дека разговорите можат да се одржат „додека конфликтот продолжува“, а не пред тоа.
Главниот спор меѓу двете страни е околу редоследот на иницијативите. Бејрут инсистира на прекин на огнот како предуслов за било каков дијалог, додека Израел бара да се преговара прво за можностите за прекин на огнот, без да запре операциите.
Меѓувреме, бројот на загинати во Либан се искачи на 486, а повредени се 1.313 лица, објави државната новинска агенција ННА, повикувајќи се на податоците на Министерството за здравство, пренесува Би-Би-Си.
