Врз италијанската воена база во Ербил, Ирак, во текот на ноќта беше лансирана ракета, објави италијанското Министерство за одбрана. Според официјалните информации, нема повредени или жртви меѓу италијанските војници, кои веднаш по ударот се повлекле во бункерите за заштита.
Италијанскиот министер за надворешни работи, Антонио Тајани, остро го осуди нападот и потврди дека сите членови на контингентот се безбедни и здрави. „Најостро го осудуваме овој чин против нашите војници“, напиша Тајани на социјалните мрежи, изразувајќи загриженост поради ескалацијата на насилството во регионот.
Во Ербил се наоѓаат повеќе меѓународни воени бази, а моменталната ситуација е директно поврзана со растечката конфронтација меѓу Иран од една страна и Соединетите Американски Држави и Израел од друга.
ВИДЕОТО МОЖЕТЕ ДА ГО ПОГЛЕДНЕТЕ ТУКА
